Amawulire

Abavuganya gavumenti basse omukago

Bya Kyeyune Moses

Abavuganya gavumenti balangiridde omukago olwaleero nekigendererwa, okunafuya nokulwanyisa ennongosereza eza ssemateeka ezokujja ekkomo ku myaka gyomukulembezewe gwanga.

Ebbago lino lyayanjulwa omubaka ssekinoomu owa Igara West, Rapheal Magyezi nekigendererwa okujjawo ennyingo 102(b) eya ssemateeka, eyateeka ekkomo ku myaka omukulembeze we gwanga gyalina okuberamu.

President Yoweri Museveni bweyawulira bino, okuva olwo abaddenga awagira ennongosereza zino, snga jjolyabalamu yategezeza nti okuleeta ekkomo ku myaka egyabakulembeze abalonde kikontana ne nnyingo esooka eya ssemateeka, egamba nti obuyinza buli mu bantu.

Kati abakulira ebibiina ebivuganya gavumenti basisinkanye ku wofiisi yakulira oludda oluvuganya gavumenti mu palamenti, nebakaanya okubeera obumu okulwanyisa ennongosererza zino, ngebbago lino lisubirwa okuddamu okusomebwa wiiki ejja, alipoota eyakaiiko ka palamenti akamateeka bwenaaba eyanjulwa.

Abamu ku bakiridde ebibiina kubaddeko, owa  FDC Patrick Amuriat, Norbert Mao owa DP, Santa Alum akiridde UPC ne Asuman Basalirwa kulwa JEEMA.

Yye kawefube gwebatuumye Tojikwatako owe nnaku okusanvu bagambye nti wakugenda mu maaso, nga bambala ebimyufu.