Amawulire
Abavuganya bagala kujjamu minisita bwesige
Bya Ritah Kemigisa
Ab’oludda oluvuganya gavumenti mu palamenti bagamba nti batandise ku ntekateeka, bagala kujjamu minisita webyokwerinda byegwanga Gen Jim Muhwezi obwesige.
Bagamba nti alemereddwa okumalawo okwemulugunya kwabantu ku bikolwa ebyokuwambibwa nokutulugunyizbwa.
Bwabadde ayogera ne bannamawulire, akulira oludda oluvuganya gavumenti Mathias Mpuuga agambye nti bazze bemulugunya enfunda eziwera ku nsonga eno kulwabantu naye tebadidwamu.
Bamulumiriza obutabeera na busobozi okutuula mu kifo ekyo, ngagambye nti nakediimo kaabwe aka wiiki 2 kaakugenda mu maaso.
Mpuuga era agambye nti bagenda kutekawo ebitabo mu bitundu ebyenjawulo, abantu gyebayinza okugenda okuloopa ebikolwa ebykutulugunyizbwa ebibatusiddwako.
Mu bitundu ebitabo gyebitatuuke, agambye nti abantu bagenda kubawa amasimu okuyita okwo, banyonyole ebyabatusibwako.