Amawulire

Abavubuka babagobye ku bifo mu NRM

File Photo: A member ba NRM

Olukiiko lwa NRM olw’okuntikko lugaanye mukoddomi wa pulezidenti Museveni Odrek Rwabogo okwesimbawo.

Rwabogo abadde yesimbyeewo ne Mathew Kyaligonza kko ne Kahinda Otafire ku kifo ky’amyuka ssentebe wa NRM mu bugwanjuba

Otafire yye abivuddemu ekirese Kyaligonza nga talina amuvuganya.

Olukiiko lwelumu lugaanye Hakim Lukenge okwesimba ku Alhajji Moses Kigongo ng’amyuka ssentebe w’ekibiina.

Bino byonna byatuukiddwaako mu kafubo akatuuziddwa ba memba b’olukiiko lw’okuntikko era nga bano basazeewo nti pulezidenti Museveni tavuganyizibwa ku kifo kya Ssentebe ne ku bwa pulezidenti.

Mu ngeri yeemu akakiiko akalondesa kamaze okukakasa nti pulezidenti Museveni wakukakasibwa okukwata bendera ya NRM mu kulonda okw’omwaka ogujja olunaku lw’enkya.

Akulira akakiiko akalondesa Tanga Odoi ategeezezza nti pulezidenti Museveni ajja kuba akakasibwa  olunaku lw’enkya ku ssaawa nnya zenyini ku kitebe ky’ekibiina

Pulezidenti Museveni yeeyekka eyajjayo empappula okwesimbawo ku bukulembeze bw’eggwanga omwaka ogujja