Amawulire

Abavubi 2 babbidde mu nyanja

Bya Malik Fahad,

Ensisi ebutikidde abatuuze ku kyalo lambu mugombolola yé bukakata mu disitulikiti y’e Masaka oluvannyuma lw’abavubi babiri eryato kwe babadde batambulira okubbira ne bafa

Omu ku bafudde ye derrick Yiga nga mutuuze ku kyalo lambu ate omulala tanategerekeka bimukwatako.

William Waswa omu ku bakulembeze b’ekitundu kino alajanidde gavumenti okuyambako abavubi okufuna ebikozesebwa ebyomulembe kubanga omuwendo omunene ogw’abakyakozesa ebintu ebitali ku mutindo ku mazzi ekibavirako okufirwa obulamu bwabwe.

Abatuuze bagamba nti emirambo teginnazuulibwa wabula baakusigala kumuyigo okutuusa nga gizuuse.