Amawulire

Abatuuze bawakanyizza eteeka ku bulungi bwasi.

Bya Sadat Mbogo.

Abatuuze mu Mpigi Town Council bavuddeyo nebawakanya enteekateeka ey’akuyisa eteeka ely’okukola bulungi bwansi ow’obuwaze.

Bano nga bakulembeddwamu Lule Hamis batuuzizza olukiiko  nebagamba nti obumu kubuwaayiro mu teeka lino  bwakubanyigiriza.

Bano bagamba nti abakulu okulagira nti buli muntu wakuwaayo essaawa bbiri okukola bulungibwansi buli lunaku kyakukosa emirimu n’enfuna yaabwe era basabye bakikolenga wakiri olunaku lumu mu wiiki.

Bino webijjidde, nga olukiiko olwa town Council y’e Mpigi wiiki ewedde lwayanjula ebbago ely’etaaka lino era mayor w’ekibuga kino Richard Ssennoga yategeeza nga bwebaagala liyisibwe mu bwangu ddala.