Amawulire

Abatuuze basobedwa olwamunaabwe eyabuzibwawo

Man with a rope tied his hands

Bya Magembe Ssabiiti,

Abatuuze b’e Nsengwe mu ggombolora ey’e Kitenga mu district y’e Mubende balaajanidde poliisi ye Mubende ebayambeko okuzuula omuntu waabwe eyabula kati emyezi ebiri.

Kigambibwa nti nga  12^th omwezi oguwedde Kisembo Godfrey nga mukulu wa ssomero erya Kisiita Primary School e Kasambya lweyava awaka kyokka yasemba okulabikako ku kitebe kya district e Mubende gyeyali agenze okufuna ebintu ebyali bigenda okweyambisibwa mu kuddaamu okuggulawo essomero.

Okusinziira ku mukyalawe Nakubulwa Justine, bamaze  kati omwezi mulamba nga banonya omuntu waabwe abuze nga ne police yomukitundu tebayambye.

Omwogezi wa poliisi mu bitundu bya Wamala region  Rachael Kawala agambye nti omusango guno gunoonyerezebwako okuzuula amayitire g’omusomesa ono.