Amawulire

Abasomesa batiisatiisiza okudamu okwekalakaasa lwa misaala

Bya Damali Mukhaye,

Abasomesa abali wansi w’ekibiina kyabwe ekya Uganda National Teachers Union (UNATU) baweze okuddamu okwekalakaasa singa gavumenti egenda mu maaso n’okusirika ku by’okubongeza emisaala.

Abasomesa mu June baakola okwekalakaasa oluvannyuma lwa gavumenti okwongeza emisaala gya basomesa ba sayansi okutuuka ku bukadde 4 buli omu ate aba arts ne tabalowoozako.

Bano Gavumenti yasaba okudda mu bibiina, basomese abayizi ne basuubiza okukola ku kwemulugunya kwabwe mu bbanga eritali ly’ewala.

Bwebadde bajaguza olunaku lw’abasomesa olwensi yonna olwaleero, Ssentebe wekibiina kya UNATU, , Zadock Tumuhimbise, asabye gavumenti okutuukiriza ekisuubizo oba si ekyo abayizi bajja kubonaabona nga basazeewo okuteeka wansi ebikola.