Amawulire

Abasiraamu bemulugunyizza ku mbizzi

Bya Malik Fahad

Abatuuze ku kyalo  Miwula mu disitulikiti ye Kalungu  basattira  olw’embizzi ezitataaya mu kitundu kyabwe.

Abatuuze bano bagamab embizzi zino zibaliiridde ebirime byabwe kumpi kubimalawo sso nga zijamawaza tawuni yaabwe nga zisaasanya obubi buli wamu.

Omu ku batuuze omusiraamu Yusuf Mwanje  agamba kati ebiseera babimala mu kugobaganya bulufuluuta buno nga ebiseera ebisinga bugezaako okuwalampa omuzikiti gwabwe kale nga kibakalubirizza obulamu.

Abatuuze wabula basabye abakulira egombolola bateekewo amateeka ku bisolo bireme kuddamu kutaayayiza mu kibuga awatali agamba kubaga zifuuse ekyenyinyarwa.

David Ssegawa nga ye ssentebe w’egombolola alabudde abatuuze bonna okusiba ebisolo byabwe ku nkondo awatali ekyo byonna byakuyoolebwa.