Amawulire

Abasiraamu basabidde enkuba- embeera bagitadde ku bikolobero

Bannayuganda basabiddwa okwewala okugwa mu mazambiolwo Katonda afune ekisa atonyese enkuba eggwanga liwone ekyeya ekikaabya abanji akayirigombe.

Bw’abadde akulembeddemu edduwa y’enkuba ku muzikiti gwe Kibuli disitulikiti Kadhi wa Kampala Sheikh Suleiman Ndirangwa ategezezza nga Katonda bw’ali omunyivu olw’ebikolwa by’obuli bw’ebisiyaga, ettemu erikyase, okusobya ku baana n’amazambi amalala

Ategezezza nti olw’obusungu bwa Katonda,enkuba ekyaganye okutonya kale nga edduwa eno osanga enakkakanya obusungu bwa Katonda n’atonyesa ku nkuba Mulindwa.

Bino webijidde nga ekyeya kizinzeko ebitundu eby’enjawulo nga awamu ebisolo tebasigazza lwabbula ly’amazzi nga n’omuddo gwakala dda nga era abasinga batindigga engendo eziwera.

Ekitongole ekikola ku ntebereza y’obudde ky’ategeeza nga enkuba bweyinza okutonya ku nkomerero y’omwezi guno nga erimu ne kibuyaga.