Amawulire
Abasiraamu balabuddwa ku bakijambiya
Bya Ali Mivule
Nga abayisiraamu bakutte olunaku olwokuna nga basiiba , abaddu ba Allah bano balabuddwa okwegendeereza ku by’okwerinda byabwe nga bafuluma ekiro okugenda okusaala esswala ya tarawuya.
Tarawuya esaalibwa ekiro oluvanyuma lw’esswala esembayo mu buli lunaku mu mwezi omutukuvu ogwa Ramadhan.
Amyuka Imama w’omuzikiti gwa Old Kampala Sheikh Imran Ssali agamba mu bifo ewali ba kijambiya abasiraamu basaalire mu maka gaabwe kasita esswala ya tarawuya ssi yabuwaze yadde nga omuntu afiirwa empeera nyingi nga tagisaalidde mu muzikiti.
Wabula alabudde ewatali bakijambiya bagyewo obugayaavu basaale tarawuya era n’akubiriza bonna abasiibulukuka obutalya nga abasimattuka kunsa kubwegera ekibalamesa okusaala.