Amawulire

Abasawo eb’ekinansi bakukolagana ne polisi mu kulwanyisa obuzzi bw’emisango.

Bya Mbogo Sadat

Abasawo b’ekinnansi mu ggwanga basabye ssaabaduumizi wa police mu ggwanga Martins Okoth Ochola akolaganire wamu nabo okulwanyisa ebikolobero ebigenda mu maaso mu ggwanga.

Bano bagamba ssinga watondebwawo akakiiko akanonyereza nga kalimu abasawo b’ekinnansi n’abapolisi kyakuyamba nnyo okuziyiza ebikolwa eby’ettemu, okuwamba abantu, okukwata abakazi n’ebirala.

Dr. Yahya Ssekagya, nga ono y’akulira ettendekero lya basawo b’ekinnansi erya Buyijja Forest School e Mpigi asinzidde mu lukiiko lwabwe n’asaba buli gwekikwatako nga police ne minisitule ezenjawulo  okuvaayo bayambe mu kubasomesa butya bwebayinza okweyisa, endabika n’okutumbula eddagala ly’ekinnansi mu uganda n’ebweru waayo.