Amawulire

Abasawo basindikiddwa mu bukiikakkono

Minisitule y’ebyobulamu eriko ekibinja ky’abasawo 374 mu bukiika kkono bw’eggwanga okuyamba mu kujanjaba omusujja gw’ensiri ogusuza abeeno nga tebebase.

Omuwandiisi wenkalakalira mu minisitule y’ebyobulamu Dr Asuman Lukwago agamba bano baweereddwa omulimu gwa nnaku 30 nga era bakujanjabira abantu ku malwaliro agenjawulo.

Omusujja guno gwatabuka mu July w’omwaka oguwedde nga era abantu abasoba mu kakadde beebakakosebwa sso nga bbo 658 bebakafa.

Disitulikiti ezisinze okukosebwa kuliko Agago, Amuru, Apac, Gulu, Kitgum, Kole, Lamwo, Nwoya, Oyam ne  Pader.

Minisitule wabula esabye abantu okwebaka mu buyim bw’ensiri wamu n’okusanyawo ebifo ensiri mwezalulira.