Amawulire

Abasawo basazizaamu akeeddiimo kaabwe akabadde katandika olwaleero

Bya Mike Sebalu,

Abasawo wansi w’ekibiina ekibagatta mu ggwanga ekya Uganda Medical Association (UMA) balangiridde nga bwebayimiriza akeeddiimo kaabwe akabadde katandika olunaku lwaleero.

Kino kiddiridde gavumenti okulowooza ku ky’okusindika abatendekebwa mu by’obujjanjabi 1,900 mu bifo 58 eby’okutendekebwa okwetoloola eggwanga.

Okusinziira ku Dr. Herbert Luswata, Ssaabawandiisi w’ekibiina kino, obukulembeze bw’abasawo b’ebyobujjanjabi nabwo bwasazeewo okugoberera ekiragiro kya pulezidenti eky’ensako yabwe ey’obukadde bubiri n’ekitundu eri abatendekebwa mu by’obujjanjabi ne ba-Senior House Officers.

UMA era ewadde amagezi abatendekebwa mu by’obujjanjabi okweyanjula mu bifo byabwe mu nnaku endagaane.