Amawulire

Abantu bajjumbidde enkalala

Nga nsalesale w’okulongoosa enkalala z’abalonzi agenda asemberera okuggwako, bannayuganda ab’enjawulo bajumbidde okwekebera.

Akakiiko k’ebyokulonda gyebuvuddeko kaalabudde nga bwekatagenda kwongezaayo nsalesale ono aggwako ku lwokuna luno.

Ebibiina byobwanakyewa ebirwanirira enkola ya demokulasiya mu ggwanga byongedde okukoowola bannayuganda okujumbira okukebera amanya gaabwe ku nkalala z’abalonzi mu kulongoosa enkalala zino okugenda mu maaso.

Okulongoosa enkalala zino kwatandika nga 7 omwezi guno nga era kukomekerezebwa ku lwokuna luno.

Omukwanaganya w’ekibiina kya Citizens’ Coalition for Electoral Democracy in Uganda, Crispy Kaheru agamba bannayuganda banji naddala abavubuka bakosebwa ebisalibwawo abalondebwa okubakulembera kale nga basaanye okwetaba mu kulonda kwonna.

Kaheru agamba kikwasa ennaku okuba nga abavubuka bangi bateeka abakulembeze baabwe ku byebakoledde ebitundu byabakulembera sso nga bbo benyini tebaagala kulonda.