Amawulire

Abantu babulijjo bamanyi enguzi naye tebaloopa

Bya Ritah Kemigisa

Abantu babulijjo bamanyidde ddala enguzi kyeki newebayinza okuloopa naye bangi, tebafuddeyo okwenyigira mu lutalo.

Bino byogeddwa kalisoliiso wa gavumenti, omulamuzi Irene Mulyagonja bwabadde ayaniriza ekibinja ekysindikibwa nga 28^th November okutalaaga, mu lutabaalo olwa wiiki enamba okulwanyisa enguzi.

Mulyagonja ategezeza nti okuyita mu kwebuuza kwebabaddemu nokukubaganya ebirowoozo e Mbarara, Lyatonde, Kabarole nemu bitundue ebiralala bazudde nti abantu bamanyi ebikolwa ebyenguzi nobulabe bwabyo, naye ate tebafaayo okuloopa.

Okulwanyisa enguzi okwomwaka guno kuvugidde ku mubala “okuzza obwesige bwabantu mu bitongole bya gavumenti okulwanyisa enguzi“.

Mungeri yeemu gavumenti esabiddwa okuddamu okwekennenya akasiimo kabasibe, olwemirimu gyebakola.

Okusinziira ku kalisliiso wa gavumenti Irene Mulaygonja, okunonyereza kwakoleddwa nekizuuka nga mu kkomera lya Kiburara mu district ye Ibanda ababsibe bakozesebwa ngabaddu nebasasula nnusu 100 olunnaku olulamba.