Amawulire

Abalamazi basiibuddwa

Bya Gertrude Mutyaba

Abalamazi okuva e Tanzania abaafunye akabenje olunaku olweggulo basiibuddwa okuva mu ddwaliro e Masaka nebeeyongerayo e Namugongo.

Okusinziira ku mukwanaganya w’emirimu mu ddwaliro ekkulu e Masaka Ereazer Mugisha agamba nti baakoze ekisobika okuwa obujanjabi abalamazi bano olw’obwetaavu bwebaabadde nabwo obw’okugenda okujjukira eyali president wa Tanzania Julius Nyerere asuubirwa okulangirirwa mu lubu lw’abeesiimi.

Mugisha atubuulidde nti abalamazi bano baafunye emmotoka endala eyabongeddeyo e Kampala nga abaabadde bakoseddwa ennyo baabategeezezza nga bwebagenda okubatwala mu malwaliro ge Kampala.

Ku lunaku olwa Monday essaawa 6:30 akawungeezi, bus eyeekika kya Falcon number T967-BTA yafunye akabenje oluvannyuma lwa buleki ezigambibwa nti zaabadde zikutuse ekyaviiriddeko bus okuyiringita akaserengeto neyeerindiggula ekigwo era okukakkana nga abalamazi 27 nga balumiziddwa.