Amawulire

Abalamazi bagudde ku kabenje

Bya Gertrude Mutyaba

Abalamazi abawerera ddala 45 bafunye akabenje bus eyekika kya Falcon ebadde eva e Tanzania okudda e Namugongo bweremeredde omugoba waayo naajikubawo e kigo ku luguudo lw’eMasaka-Kyotera.

Abalamazi abawerera ddala 27 beebalumiziddwa nga bano babadde mu bus ey’ekika kya Falcon namba T967-BTA.

Afande Rogers Nandege nga yaakulira ebidduka ku nguudo akakasizza akabenje kano nga bakoseddwa baddusiddwa mu ddwaliro ekkulu e Masaka.

Okusinziira ku bafunye akabenje bagamba nti bakoseddwa naddala emikono, omutwe n’ekifuba era nga bali mukufuna bujanjabi.

Okusinziira ku beerabiddeko n’agabwe bagamba nti bus eno ebadde ku lusozi kyokka nga bagamba nti buleeki zikutuse nga ebadde tekyasobola kumalako kasozi.

Dr Charles Kajoba nga akola mu ddwaliro e Masaka agamba nti abafunye obuvunye obwamaanyi bali basatu nga naabalala bafunye ebisago ebitali byamaanyi ku bitundu by’omubiri ebyenjawulo nga kyokka nga bakola ekisoboka okubajanjaba basobole okweyongerayo mu lugendo lwabwe.