Amawulire

Abalamazi abaavudde e Congo batuuse e Mubende

Bya Magembe Sabiiti

Abalamazi abatambuza ebigere okuva mu disitulikiti ye Mubende abawera 380 batandise olugendo lwabwe olubatuusa e Namugongo lwebanamalako ennaku 5.

Ate bbo abalamazi okuva mu gwanga lya Congo nabava mu Ssaza lye Kasese ne Fort portal abasoba mu 500 batuuse mu disitulikiti ye Mubende.

Abalamazi okuva e Mubende bakulembedwamu amyuka town Clark wa munisipaali ye Mubende Mpewo Frank ngono ategezezza nga bwagenda okulajanira  abajjulizi okwongera emirembe mu gwanga n’okumalawo obuli bwenguzi.

Abalamazi abavudde mu Ssaza lye Kasese, Fort portal ne Congo bakatambula ennaku 5 nga  bakulembeddwamu Fr Simon Peter Atwa ngono alajanidde abajjulizi ba Uganda  okumalawo ekisadaaka baana mu gwanga ekivudde ku bantu okwagala obugagga obwamangu n’obutabanguko maka obuvirideko abantu bangi okufa.

Omubaka wa palamenti owe essaza lya Mwenge North e Kyenjojo Lawrence Akugizibwe naye atambuza bigere ku mulundi guno ngagamba nti ekimutute e Namugongo kwekulajanira abajjulizi okumalawo ettemu elisusse mu gwanga nga abantu bawambibwa nebatibwa awatali ayamba.