Amawulire

Abagwira basusse mu Uganda

File Photo: Aba China mu kampala

Minisitule y’ensonga zomunda w’eggwanga eraze obweralikirivu olwabagwiira abayongera okwesogga Uganda mu bumenyi bw’amateeka.

Omwaka oguyise gwokka abagwiira abasoba mu 1000 okusinga okuva e china, Pakistan ne India besogga eggwanga mu bukyamu nga era abamu baasobola okukwatibwa  nebabazza ewaabwe.

Amyuka omwogezi wa minisitule eno  Benjamin Katana agamba ebyenfuna by’eggwanga ebyeyongera okutereera byebisikiriza abagwiira bano okweyuna Uganda.

Wabula Katana agamba baakugenda mu maaso nebikwekweto byabwe okumalamu abagwiira abayingira eggwanga nga tebalina lukusa.