Amawulire

Abagaala okwesimbawo mu NRM mujje

Bannakibiina kya NRM abagala okukwata bendera y’ekibiina kyaabwe ku bukulembeze bw’eggwanga bategeezeddwa nti oluggi luggule.

Omwogezi w’akabondo k’ababaka ba NRM Evelyn Anite  agamba abalala abaagala okukwata bendera y’ekibiina bakulinda olukungaana lwa bakungu oluddako.

Ababaka b’ekibiina kino nga bakyali mu lusirika lwaabwe e kyankwanzi baasembye omukulembeze w’eggwanga Yoweri Museveni nate okuddamu okwesimbawo mu kulonda kwa 2016.

Abamu ku bannayuganda bagamba nti kino bakikoze kuggalira balala abandyagadde okwesimbawo ebweru omwogezi Anite kyawakanya.