Amawulire

Abadde akwata enswa amasanyalaze gamusse

Bya Malik Fahad

Entiisa ebuutikidde abatuuze be  Kiseeka mu disitulikiti ye Lwengo omwana ow’emyaka 10 bwakubiddwa amasanyalaze agamutiddewo.

Omugenzi ategerekese nga  Emma Ssali mutabani wa  John Ssali  nga era amasanyalaze gamukubye akwata nswa mu nnimiro .

Kitegerekese nti amasanyalaze gano ga muliranwa Jane Namugerwa  abadde agabbirira nga agayisa mu ttaka.

Ssentebe w’ekyalo  Pascal Kiiza agamba omulenzi  ono alinye ku waya z’amasanyalaze ezibadde mu ttaka nga agoba enswa amasanyalaze negamukuba n’afiirawo era asangiddwa nga agudde mu nnimiro.

Aduumira poliisi ye Lwengo Donald Muhwezi akakasizza akabenje kano n’ategeeza nga poliisi bweri ku muyiggo gwa nanyini waya  Namugerwa eyamazeemu dda omusubi era n’avumirira ababbi b’amasanyalaze.