Amawulire

Ababaka balangiridde ennaku 7 eza-Tijikwatako

Bya Kyeyune Moses

Ababaka ba palamenti ku ludda oluvuganya gavumenti, balayidde okulwana wakiri okufirawo, okuwakanya ebyokujja ekkomo ku myaka.

Ababaka okuli obwa Butambala Muwanga Kivumbi, owa munispaali eye Rukungiri Roland Kaginda, owa Rubaga North Moses Kasibante nowa Kawempe North Abdul Lateef Ssebaggala nabalala basinzidde mu lukungaana lwabanawulire olutudde ku palamenti nebawera.

Bano okuwera  bwebati kidiridde omukulembeze we gwanga Yoweri K. Museveni okuwagira ne ssekuwagira yenna ennongosereza mu ssemateeka okujja ekkomo ku myaka gyomukulembeze we gwanga.

Presidenti Museveni yagambye nti okuteeka ekkomo ku myaka mu kulonda abakulembeze kikontana ne nnyingo ya ssemateeka esooka, egamba nti obuyinza buli mu bantu.

Ababaka bagambye nti nabo bakukozesa ennyigo yeemu, esooka eya ssemateeka  okuwakanya, ebbago lyomubaka Rapheal Magyzi mu nnaku 7, eza Togikwatako.

Mu kaseera kano, kko akakiiko ka apalamenti akamateeka, kakyevumbye akafubo e Kigo Serena Hotel, nga bawandiika alipoota egenda okwajanjulwa mu palamenti.