Amawulire

Abaazirwanako bakaabira taka lyabwe.

Abakadde abaazirwanako beeyiye mu kakiiko akanonyereza  ku by’etaka nga bagaala kabayambibwe kubantu abaababbako etaka lyabwe.

Mu bakadde bano mubaddemu ne Mzee Kawuki George ng’ategezezza nti atemera mugy’obukulu 114, Wasswa Kisitu myaka 107 n’abalala abadde mu myaka kyenda.

Bano nga begatidde mu kibiina kyabwe ekya Uganda Ex-service men of World war 1 and 2 of Kyaggwe Chapter,bagamba nti baalwana mu sematalo asooka n’owokubiri  kyoka kati bayagga.

Bano bagamba nti Nabakyala wa Bungereza yabawa etaka mu mwaka 1945 kyoka waliwo abeesomye okulibba.

Ettaka lino liwoza 36 square mailo nga lisangibwa mu mukono district omuli Nazigo Bugerere, Bwebereza n’ebitundu ebirala .