Amawulire

Abaayira omusuubuzi asidi bakkirizza- bba yeeyatutuma

File Photo: Gashumba no no mukyala eyayilwa acid

Abasajja abaayira omusuubuzi asidi n’afa bakkirizza emisango era nebasalirwa emyaka 25 mu kkomera.

Ivan Namanya ne Farouq Walusimbi bakkirizza nga bwebatta Josephine Namanda  bwebabadde mu maaso g’omulamuzi Elizabeth Nahamya.

Ababiri bano wabula bagambye nti baatumwa bba w’omugenzi Kassim Kakaire yadde nga yye omulamuzi bw’amubuuzizza emisango agyegaanye.

Abasajja bano beetondedde ab’enganda z’omugenzi, abaana n’abasuubuzi bonna ku container village omugenzi gyeyali atundira engatto.

Omulamuzi bw’abadde abasalira agambye nti ekikolwa ky’abasajja bano kyaali kyakko era ekyaleka abaana ba Namanda abana nga tebalina maama era nga kyakubakosa obulamu bwaabwe bwonna.