Amawulire

Abaana ababade bawambiddwa banunuddwa .

Bya Ritah Kemigisa.

Police wano mu Kampala eriko abaana babiri  beenunudde, nga bano babadde bawambiddwa era nga abawambi babade basabye ensimbi obukadde busatu.

Ttaata w’abaana bano Hajji Musa Muliika  agamba nti abaana bano baabuze lunaku lwagulo era naawaba ku police ye Bweyogerere , nga ayagala emuyambeko okuzuula abaana bano okuli  Mulika Rahma ne Mulika Diin Tajudiin , nga bano baggidwa mu maka gaabwe e Kigandazi Zone

Abaana bano bagamba nti ababawambye babalimbye nti bagenda kubagulira keeki, oluvanyuma nebateeka mu motoka nebabatwala

Mike Mugabe  nga ono y’akulira police ye Bweyogerera agamba nti okukwata bano bagoberedde simu zebabade bakuba okuva e  Luzira  nga bwebasaba ensimbi

Bano babade batambulira mu Taxi number UBB 274M, wabula nga abaana bano babasanze mu mbeera nungi.