Amawulire
Abaagula Shimoni bayitiddwa mu palamenti
Akakiiko ka palamenti akanonyereza ku kibba ttaka lya masomero mu kibuga Kampala kayise bukubirire bannyini wooteri ezimbibwa awaali essomero kya Shimoni
Akulira akakiiko kano Robert Migadde Ndugwa agamba nti wooteri eno emanyiddwa nga Kingdom Hotel ey’omulangira we Saudi Alwaleed Bin Talal abagiddukanya balina okunyonyola engeri gyebaafunamu ettaka lino
Ndugwa agamba nti batandise okunonyereza ku ngeri ettaka lino gyeryagabwaamu, okulikulakulanya wekutuuse n’ebirala ebikwata ku balitwala
Mu gw’omukaaga gw’omwaka 2016, kkampuni ya Kingdom Hotel yassa emikono ku ndagaano ebawa liisi ya myaka 99 nga basaasula obukadde bwa doola 60
Mu ndagaano eno, aba Kingdom Hotel bakkiriziganya ne gavumenti okuzimba wooteri ya bisenge 250 kyokka ng’eno nakati teggwanga.