Amawulire

Aba USAFi bakaaba lwakukwata bakulembeze baabwe

File Photo: Akataale

Abasubuuzi b’omu katale ka Usafi abeegattiira mu kibiina kyabwe ekya Usafi Vendors association bavumiridde ekikolwa kye Kitongole kya KCCA ky’okusiba abakulembeze baabwe ku nsonga zebayise ezekijweteke.

Banno nga bakulembeddwamu ow’ebyokwerinda mu Katale kano Sulaiman Male balumirizza abakozi ba KCCA okuleeta bu Kiosk mu Katale kyokka nga akatale ka midaala.

Abasibiddwa kuliko Ssentebe Joseph Kagolo n’omwogezi Muhamadi Ssegwaanyi.

Amyuka omwogezi w’ekitongole kya KCCA Robert Kalumba aganye okwogera ku nsonga eno n’ategeeza nga bwebakyanonyereza ku bakwasisa amateeka mu katale kano.

Mu kiseera kino, abasubuuzi abasinga bakolera wansi oluvanyuma lw’ekitongole kya KCCA okumenya oludda olumu kisobozese abasubuuzi okuteekawo ebirime byabwe.