Amawulire

Aba Rotary Bakyakungubaga

Bya Ivan Ssenabulya

Ngegwanga nensi awamu bikyagenda mu maaso okukungubagira Presidenti wa Rotary International omulonde, munna-Uganda, Sam Owori eyafiridde mu gwanga lya America, ngalongosebwa okugulu, kati banna-Rotary bajjukiziddwa okutwala ekyokulabirako kye.

Munna-Rotar Kagimu Fred, nga ye mayor wa munispaali eye Mukono ategezezza nti ekiseera kyekino okulowooza ku bantu abayinza okumuddira mu bigere naddala okuva wano mu Uganda.

Ono yegasse ku bantu abalala okukungubaga.

Ayogedde ku mugenzi ngabadde omusajja omuwombeefu, ngegwanga lifiriddwa ne Africa awamu.

Omugenzi Sam Owori yalondebwa mu mwezi ogwomunaana, omwaka oguwedde nga Presdenti wa Rotary mu Yonna owa 2018/2019, ngabadde alindiridde kutuzibwa mu July womwaka ogujja mu gwanga lya Canada.

Ono yabadde agenda okubeera omuddugavu owokubiri era ava mu Buvanjubwa bwa Africa okutuula mu kifo kino okuva mu mwaka gwa 1905.