Amawulire

Aba Mbabazi bekozeemu ekibinja

File Photo: Mbabazi ngali nabawagizibe

Abawagizi b’eyali ssabaminista Amama Mbabazi e Soroti batonzeewo ekibinja kya bantu 64 abagenda okumuyiggira akalulu mu bannakibiina kya NRM.

George Okoit nga y’abakulembeddemu bw’abadde ayogerako eri bannamawulire agambye nti kino kikoleddwa okwetoloola eggwanga lyonna okulaba nti yadde Mbabazi teyesimbyeewo mu NRM, agijjamu abawagizi.

Ono agamba nti bannakibiina kya NRM bangi tebawagira pulezidenti Museveni kyokka nga tebalina Muntu mulala kale nga bajja kuwagira Mbabazi akyaali owaabwe

Ekibinja kino kisookedde mu bavubuka nga babakuyege okutambuza enjiri ya Mbabazi.

Mbabazi yalangirira nti wakwesimbawo ku lulwe kubanga aba NRM bamulemesa nga bayita mu bukwakkulizo obususse.