Amawulire
Aba DP beyuzizza- Mao alumbye Lukwago
Ssenkaggale wa DP Norbert Mao aweze nga bw’azze n’enkuba empya egenda okutwala ekibiina mu maaso.
Norbert Mao abadde taliiwo okumala emyezi ebiri agamba nti wakutandikira ku kugolola ba memba ttumba abasiiwuuse empisa w’atabadde
Ono alayidde nti k’abe lubaale oba katonda , ttabamiruka w’ekibiina wakugenda mu maaso era nga tebajja kumwongezaayo
Yye eyesimbye ku Dr Lulume Bayiga asabye Mao alekulire mu bulungi asobole okuwangula obulungi
Yye ssabawandiisi wa DP avumiridde ba memba abasiiwuuse empisa nebekandagga okufuluma olukiiko nga ssenkaggale w’ekibiina eyogerako gyebali
Olunaku lwajjo, bannakibiina kya DP naddala abavubuka bayimuse nebava mu Lukiiko olwategekeddwa Norbert Mao mu Kampala era okuteesa ku nsonagz ‘ekibiina
Omukulu Mathius Nsubuga agambye nti buno bwabadde buyaaye era abakikoze basiwuufu
Nsubuga asabye abakulembeze abaggya okukulembeza okutereeza empisa za ba memba