Amawulire

Aba DP bambalidde gavumenti

File Photo: sejjusa ne Seya ku kitebe kya Dp

Ab’ekibiina kya DP bavumiridde eky’abakulu mu gavumenti okukozesa olulimi olutiisatiisa bannayuganda.

Omwogezi w’ekibiina kino Kenneth Paul Kakande ategezezza nga bano bwebateeka okutya mu bantu wabula nga kisobola okuleetawo obutabanguko.

Agamba okukwata munnamagye General David Sejusa ne ssabawandiisi wa NRM Justine Kasule Lumumba okutiisatiisa nti abanekalakaasa nga bawakanya ebinaba bivudde mu kulonda bakukubwa amasasi bileeta okutya mu bantu.

Wabula ategezezza nti bbo nga aba Dp bwebategese dda ekibinja ky’abavubuka abagenda okulondoola obululu okutuusa gyebubalibwa okukakasa nti ddala tebubibwa.

Kino kizze wakayita olunaku lumu lwokka nga poliisi kyejje erabule nti abatalina lukusa ssibakukkiriribwa kulondoola nsonga zabyakulonda.