Amawulire

Aba ANT balonze Alice Alaso okubakwatira bendera mu kudamu okulonda e Serere

Bya Prossy Kisakye,

Ekibiina ekivuganya gavumenti ekya Alliance for National Transformation -ANT enkya ya leero kitongozza Alice Alaso ng’agenda okukikwatira bendera mu kudamu okulonda omubaka wa Serere County mu Lukiiko lweggwanga olukulu.

Bwabadde akwasa mbendera omuntu wabwe, omukwanaganya wémirimu gyébyókulonda mu kibiina kino, Winnie Kiiza, agambye nti baasazeewo okulonda Alaso eyali omukyala omubaka wa disitulikiti y’e Serere oluvannyuma lw’abalonzi benyinni okusaba addemu abakikirire.

Asabye abantu bonna ab’omutima omulungi okumuwagira Alaso nga tebeerabidde mulimu ogw’amaanyi gwe yakola ng’ali mu palamenti.

Oluvanyuma lwókumwanjula Alaso ayogeddeko ne bannamawulire neyeyama okukikirira obulungi abalonzibe era nga bweyakikola mu palamenti eyo 9 ne 10.

Agambye agenda kulwana okulaba nti eddembe lyóbuntu liteekebwamu ekitiibwa mu ggwanga nókugatta abantu bé Serere.

Ekifo kya Serere County Kyasigala nga kikalu oluvanyuma lweyali omubaka waayo, Patrick Okabe okufiira mu kabenje kémotoka ne mukyalawe omwezi oguwedde.