Amawulire

10 beebafiira mu bubenje

File Photo: Emotooka eguude ku kabenge

Abantu 10 beebafiridde mu bubenje obwenjawulo ku nguudo ku luguudo lwe Masaka mu bbanga lya mwezi gumu gwokka.

Atwala poliisi y’ebidduka e Masaka  James Tibaijuka bino y’abitegeezezza bannamawulire bw’abadde asoma alipoota ekwata ku by’entambula.

Obubenje 16 bwebubaddewo mu mwezi oguwedde,nga ku buno  8 ddekabusa, 7  bwali bwamaanyi ate nga akabenje 1 tekaali kamaanyi nnyo.

Abantu 10 bebututte ssonga abalala 13 kati banyiga biwundu.

Poliisi etegezezza nti obubenje obusinga bwava ku kuvugisa kimama na ndiima.

Tibaijuka agambye nti abafiira mu bubenje buno aba Bodaboda 3, abasaabaze 3 n’omutambuze ku kkubo 1.

Mu mwezi ogwayita ogw’omwenda, poliisi e Masaka yafuna obubenje 20 nga buno bwali bungi bw’ogerageranya n’obw’omwezi gw’ekkumi oguwedde.

Tibaijuka agambye obubenje obusinga buva ku bavuzi ba Bodaboda abavugisa ekimama, n’alabula abatyoboola amateeka  g’oku nguudo nti bakukwatibwa bavunaanibwe.