Amawulire
Omusango gwa Besigye gwongezeddwayo okutuuka mu mwezi gwokusattu
Bya Ruth Anderah
Omusango gwokukuma omuliro mu bantu oguvunanibwa Dr. Kiiza Besigye gwongezeddwayo okutuuka nga March 6th 2018 mu kooti e Mbarara omulamuzi aguli mu mitambo Sanyu Mukasa olwobutabaawo ngali mu lwummula.
Dr. Besigye avunanibwa ne presidenti wa FDC, Amuriat Patrick Oboi, Ingrid Turinawe, Mubarak Munyangwan nomugoba we Kato Fred.
Bano bavunanibwa emisango okuli okukuma omuliro mu bantu, okukuba omusirikale wa poliisi nokowonoona emmotoka za gavumenti.
Abavunanwa 5 balabiseeko mu maaso gomulamuzi we ddaal erisooka, Ayebare Daphine abategezeza nti omulamuzi ali mu musango gwabwe taliiwo.
Bano okuyita mu munamateeka waabwe Lydia Tumushabe basabye kooti okussa ekitiibwa mu ddembe lyabwe eryobuntu, nebemulugunya ku budde omusango bwegugenda okutwala.