Amawulire
Ssabasajja asiimye Ssebaana
Bya Shamim Nateebwa
Obwakabaka bwa Buganda bwa kukungubagira Owek. Ssebaana mu ngeri ey’enjawulo mu lutuula lw’olukiiko ku Lwokusooka lwa wiiki ejja nga 17/7/2017.
Mukiwandiiko ekifulumizidwa kamalabyonna wa Buganda Charles Peter Mayiga bebaziza omugenzi olw’obuwereeza eri Ssaabasajja Kabaka ne Buganda yonna okutwalira awamu.
Bendera z’obwakabaka nazo zijja kwewuubira mu makkati g’emirongooti ku lunaku lw’anaaziikibwa- ku Lwomukaaga 8/7/2017 mu Buganda wonna.
Mungeri yemu Kabaka Ronald Muwenda Mutebi II yasiimye n’ayimirizza omupiira ogw’empaka z’ebika ogubadde gugenda okuggulwawo ku Lwomukaaga nga 8/7/2017 nga kati guzziddwa ku lwa Ssande 9/7/2017 ku kisaawe e Nakisunga- Kyaggwe.