Amawulire

SK Mbuga bamujje e Dubali n’ebamutwala mu Sweden

Bya Shamim Nateebwa

Omugagga w’omu Kampala SK Mbuga  aggyiddwa mu kkomera e Dubai mu United Arab Emirates n’ayongerwayo mu Bulaaya mu gwanga lya Denmark gy’anawozesebwa emisango gy’obufera nga kigambibwa nti yabba ddoola obukadde 2 mu emitwalo 60 mu ddiiru y’okuguza abazungu zzaabu.

Mbuga owemyaka 36 amaze omwaka mulamba mu kkomera lya Al Awiir Central Prison e Dubai.

Ensonda ezisigika zitutegeezezza nti yakyusiddwa ekkomera, oluvannyuma lwokusasula obukadde 1,600 (mu za Uganda) ezibadde zimubanjibwa omugagga w’omu Buwarabu.

Mbuga ne mukazi we bavunaanibwa okunyaga ssente ku Muzungu okuva e Sweden era zezaavaako okumukwata.

Mikwano gya Mbuga gyategeezezza nti omuntu waabwe yatuuse bulungi mu Bulaaya era ategese banamateeka abanayirivu okumuwolereza.

Abobuyinza mu Sweden bebaasaba babawe Mbuga bamuwozese.

Amawulire mu Sweden gategezezza ngomwaka oguwedde gavumenti yaabwe, bweyali esabye Uganda ebawe Mbuga bamuwozese kyokka nekizuulwa, nga tewali ndagaano wakati waabwe okuwanyisganyanga abasibe.