Amawulire

Omusumba yewuunya abakazi abakwana abasajja

Omulabirizi w’obulabirizi bwe Mityana eyawumula Kitaffe mu Katonda Bishop George Ssennabulya avumiridde obusiwufu bw’empisa obususse ennyo wano mu Buganda ng’abuletedde eggwanga Uganda okutandika okubeeramu ebikolwa ebyeko ng’obuttemu obw’abuli kaseera naddala mu byalo.
Bishop Ssennabulya asinzidde mu kusaba kuno okubadde ku Kanisa ye Kaseesa mu Busumba bwe Kitonzi mu busabadincon bwe Buwekula mu gombolola ye Nabingola e Mubende ng’asaako abaana abawerera ddala 55 emikono,.

Ono era avumiridde empiisa ensiwuufu ezononye obuwangwa bwa Buganda n’enonno za Katonda nga kati abakazi tebakyakwatibwa nsonyi okwesabira abasajja omukwano nga batuuse n’okweranga ku mikutu gya mawulire kyagambye nti kikontana n’obuwangwa bwa Buganda.
Ono mu ngeri y’emu afalasidde abaana abatereddwako emikono okunyweza okukkiriza kwabwe nga banyweza ebirayiro byebakubye lw’ebajja okusobola okuwereza obulungi Katonda waabwe.