Amawulire

Omusolo ku mobile money gukyaluma bannayuganda.

Bya Samuel Ssebuliba.

Kati wayise ebanga nga parliament ye gwanga ekendezeza ku musolo ogugibwa ku mobile money okuva ku nusu emu kubuli kikumi  okudda ku nusu obutundu tundu butaano kubuli kikumu.

Bino nga tebinabaawo bannayuganda bangi baali bakukuluma olw’ensimbi enyingi ezaali zibagibwako.

Kino kyekyawaliriza parliament okukola enongosereza mu teeka lya mobile money, omusolo guno gukakane.

Nga 15 November minister omubeezi akola ku by’ensimbi David Bahati yategeeza nga omukulembeze we gwanga bweyali amaze okuteeka omukono ku teeka elya mobile money elyali likoledwamu enongosereza , kale nga eky’okuwa enusu 0.5% kyali kyakutandika okukola.

Newankubadde wayise ebanga, bbo bannayuganda abagamba nti enjawulo tebanagiraba, anti omusolo ogubagibwako era gukyabanyiga.