Amawulire

Omusajja asse mukazi we lwa bwenzi

Bya Abubaker Kirunda

Omusajja wa myaka 28 agaliddwa ku poliisi ye Kaliro lwakutemula mukyala we.

Livingstone Mulemba nga mutuuze ku kyalo Kibwiza mu gombolola ye Kisinda mu district ye Kaliro, kigambibwa yatemula Betty Fumba nomulambo gwe nagusuula mu mugga Nakuwa.

Ssentebbe we kyalo Aggrey Mulemba agambye nti bano babaddenga bagugulana, okumala ebbanga ng’omusajja alumiriza omukazi obwenzi.

Kati kigambibwa nti omukazi yamulumba mu nnimiro n’amutunga ekiti namutta, namuyuza olubuto.

Atwala poliisi ye Kaliro Kenneth Mawanda agambye nti omulambo baaguzudde, oluvanyuma lwe bbanga nga guvunda.

Poliisi egamba nti okunonyereza kugenda mu maaso.