Amawulire
Omuduumizi wa polisi asisinkanye abakulembeze.
Bya Barbra Nalweyiso.
Omuduumizi wa poliisi mu kitundu kye kya Wamala Latiff Zzaake atandise okutalaaga district ezikola ettundutundu lino, mwasisinkanira abatwala eby’okwerinda ku bitundu omuli ba RDCs, DISO, DPC, OCs n’abakulembeze b’ebyaalo, nga amakulu kutema empenda butya bwebayinza okusalawo obutali butebenkevu mu bitundu ebyo.
Zzaake asinzidde Kikandwa mu gombolola y’e Kalwana mu district empya ey’e Kassanda n’afalasira ba ssentebe b’bebyaalo okukola olujegere n’ebannaabwe abali mu by’okwerinda.
Ssentebe w’akakiiko k’eby’okwerinda e Kalwana era nga ye ssentebe w’eggombolora eyo Haj Ssaadi Kawooya, agambye nti ekitundu ky’e Kalwana okufaananako ne Kassanda yonna ebaddeyo obuzibu bw’ekibbattaka n’obutali butebenkevu, kale nga abakulemebeze bagwana okukwatira wamu okukomya kino.