Amawulire

Obw’akabaka bukungubagidde Owek. Arthur Bagunywa.

Obw’akabaka bukungubagidde Owek. Arthur Bagunywa.

Ivan Ssenabulya

May 13th, 2019

No comments

Bya Shamim Nateebwa

Obuganda bukungubagidde omugenzi Owek. Arthur Bagunywa mu kusaba okubadde ku Lutikko e Namirembe.

Maama Nnabagereka, Namasole, Ssaabaganzi,Abalangira n’abambejja, Baminisita ba Kabaka, Omukubiriza w’olukiiko lwa Patrick Luwagga Mugumbule, ba Katikkiro abaawummula, Omukubiriza w’olukiiko lwa Buganda eyawummula, Owek Nelson Kawalya, ne Baminisita abaawummula beetebye mu kusaba kuno.

Obubaka Bwa Kabaka busomeddwa omumyuka wa Katikkiro asooka era Minisita w’eby’emirimu ne tekinologiya Prof. Twaha Kigongo Kaawaase. Ssaabasajja asiimye Owek Arthur Bagunywa olw’okutumbula olulimi oluganda n’okuweereza obwakabaka bwe.

Obubaka bwa Katikkiro busomeddwa omumyuka ow’okubiri owa Katikkiro era Minisita w’eby’ensimbi mu bwakabaka Owek. Robert Waggwa Nsibirwa. Katikkiro yeebazizza nnyo Owek. Bagunywa olw’okumuwabulanga ku nsonga z’olulimi oluganda wamu ne mu nsonga z’obwakabaka ez’enjawulo.

Owek. Arthur Bagunywa yaliko Minisita wa Kabaka, Omubaka wa parliament akiikirira Mityana South, yaweerezaako mu kitongole Kya UNESCO, abadde munna Rotary, era yeyatandikawo ekibiina kya Uganda Land Owners Association.

 

Leave a Reply

Your email address will not be published. Required fields are marked *