Amawulire

Lwaki gavumenti yekyusizza- Lukwago

File Photo: Lukwago ngali mulukumwana

Loodi meeya wa Kampala Erias Lukwago akyebuuza lwaki gavumenti y’asazeewo okuggya enta mu kukola ennongosereza mu mateeka ga KCCA nga bweyabadde esazeewo.

Olunaku olweggulo gavumenti y’alangiridde nga bweyayimirizza eky’okukola ennongosereza zino era nebakkiriza akakiiko k’ebyokulonda okugenda mu maaso n’okusunsula abo bonna abeesimbyewo.

Ng’ayogerako nebannamawulire, Lukwago ategezezza nga gavumenti bwesaana okunyonyola bannayuganda lwaki yabivuddemu.

Ezimu ku nongosereza mulimu ba kansala okulonda loodi meeya okuva ku bannakampala okwelondera owaabwe.

Kati Lukwago wakusunsulibwa ku lunaku olwokuna lwa ssabbiiti eno

Lukwago era akyaliddeko owamawulire eyakubiddwa Isaac Kugonza wali mu ddwaliro ekkulu e Mulago.