Amawulire

Gavumenti terina nsimbi kugulira bawala Pads

Bya Abubaker Kirunda

Minister owensonga zobwa presidenti Esther Mbayo asabye abazadde okugulira abaana baabwe ebisabika, nga bali mu nsonga zekikyala mu kiffo kyokukabirira gavumenti olutaggwa.

Mbayo yabadde ku mukolo ogwokwebaza olwabayizi ba S 4 ne 6 ku ssomero lya  Wanyange Girls secondary school mu district ye Jinja mu bigezo ebyakamalirizo, yagambye nti abaana obutabeera na bisabika bino nga bali mu nsonga kikosa kun soma yaabwe.

Kino agambye nti bulagajjavu bwabazadde kalenga ssi buvunayizibwa bwa gavumenti.

Ono ayogedde ku kisubizo kya gavumenti, okutuusa obuyambi buno eri abayizi nagamba nti mu kaseera kano tekisoboka kubanga abali mu bwetaavu beyongera buli kadde.

Omukulu we ssomero lino Deborah Basekanakyo agambye nti omukolo guno gubadde gugendereddwamu okwebaza ate nokusiima abyizi abakola obulungi.