Amawulire
Eyasobya ku mwana wa mukamaawe akaligiddwa.
Bya Ruth Anderah
Waliwo omukuumi waawaka asimbiddwa mu kkooti enkulu mu Kampala naasingisibwa omusango gw’okusobya ku mwana wa mukama we ate ng’alina akawuka akaleeta mukenenya.
Ochan Mathew asimbiddwa mu maaso g’omulamuzi Jane Francis Abodo namusingisa omusango oluvanyuma lw’okwekenenya obujulizi obwaletebwa oludda oluwaabi nakizuula nti ddala kituufu omwana yatusibwako ogwa buliisa manyi.
Omwana eyasobezebwako yali wa myaka ettaano gyoka era nga kiteberezebwa nti yasiigibwa akawuka akaleeta mukenenya.
Omusango yaguzza mu mwaka gwa 2015 wano mu Kampala, era nga omulamuzi agenda kuba amuwa ekibonerezo kye essawa yonna olunaku lwaleero.