Amawulire

Abaawangulwa mu kamyufu beekozeemu akabondo

Abaawangulwa mu kamyufu ka NRM beekozeemu omulimu nga kati beetaga kusisinkana omukulembeze w’eggwanga.

Bano bakulembeddwaamu omubaka Peter Eriaku nga ye mubaka w’essaza lye Kaperebyong.

Abeekozeemu ekibinja kuliko omubaka omukyala owe Mityana Sylivia Namabidde, Lilly Adong,Steven Mugabi Bakar, Sarah Mateke,Julian Modesta Auma,Flavia Kabahenda,James Mbahimba ne Nelson Sabira.

Bano basisinkanyeemu ssabawandiisi w’ekibiina ku plaamenti era n’abasaba okwekolamu omulimu betereeze basobole okusisinkana pulezidenti.

Ababaka bano ababadde batasalikako musale bagamba nti ssentebe w’ekibiina alina okuwuliriza ensonga zaabwe kubanga bakulu mu kibiina.

Ssabawandiisi Lumumba Kasule bano abasabye okukkakkana n’akkiriza nti akamyufu kategekebwa bubi era bakkiriza n’abasaba babeere bagumikiriza

Mu ngeri yeemu,

Waliwo ekibinja ky’abawanguddwa mu kamyufu ka NRM abegasse ku ba Go- Forward aba Amama Mbabazi.

Bano abakulembeddwamu Omodo Omodo bagamba nti Mbabazi y’ayinza okusobola pulezidenti Museveni era nga bakumunonyeza akalulu kyeere.

Bano bagamba nti bafubye okusooka okuwaaba mu kibiina kyokka nga tebayambiddwa