Ebyobulamu

Ebbula ly’obupiira, akaveera keekakola kati

Ali Mivule

September 16th, 2014

No comments

Condom

Ebbula ly’obupiira bu galimpitawa litabuse mu bizinga nga kati abavubi bakozesa buveera

Ebizuuliddwa akakiiko ka palamenti akakola ku nsonga z’abavubi biraga nti abavubi bano bakwata obuveera buno nebabwenaanika nga basibyeeko obuguwa oba labbabbandi  olwo nebakola ebyaabwe

Akulira akakiiko kano Dr.Lulume Bayiga agambye nti kino kisinze kubeera ku mwaalo e Katosi, e Senyi ne Kiyindi.

Dr Lulume agamba nti abavubi bano kyebakola kikyaamu kubanga tekirina ngeri gyekibatasaamu bulwadde bwa mukenenya

Ebizuuliddwa nnyo tebyewunyisa eri omuntu abadde agoberera ebya mukenenya mu bavubi nga buli 100 b’osanga 37 ku bbo baba balina ekirwadde kya mukenenya.

KKyo ekibiina ekya Strengthening Knowledge management and Commination Capacity  kigamba nti obuzibu bwonna buvudde ku kitono ekikoleddwa gavumenti okulwanyisa siriimu mu bavubi

Omwogezi w’ekibiina kino Helen Buxton agambye nti abavubi bitono byebamanyi ku siriimu kale nga bamutambuza mu butamanya

Buxtonera agamba nti abavubi bafuna ssente nyingi ate nga zabuli lunaku kale nga tekibaluma nebwekuba kugula ba malaaya

Ono ayagala gavumenti eveeyo n’enteekateeka ennambulukufu ku ngeri y’okulwanyisamu essimu eno mu bavubi.

Leave a Reply

Your email address will not be published. Required fields are marked *