Amawulire

Okulamaga kw’omwaka guno e Namugongo

Bya Damalie Mukhaye

Olwaleero bwejiweze emyaka 54, okuva egwanga litandika okujaguza abajulizi ba Uganda abatibwa Ssekabaka Mwanga olwe ddiini ne Katonda waabwe.

Ebyafaayo biraga nti kuno kwaliko abenzikriza yaba-Anglican 23 nabakatuliki 22.

Bano batibwa wakati we nnaku z’omwezi 31 January 1885 ne 27 January 1887.

Kati zaali ennaku zomwezi 18^th October nga Sunday 1964, abajulizi ba Uganda balangirirwa mu lubu lwabatukirivu era abesiimi papa Jphn Paul VI mu mmisa eyali ku kereziya ya St Peter’s Basilica mu kibuga ekitukuvu e Vatican.

Kati omwaka guno essaza lye Gulu nga bakulembeddwamu Ssabasumba John Baptist Odama bebakulembeddemu okusaba, wansi womubala “Obey God Always, and Everywhere ” oba gondera Katonda bulijjo era buli wamu.

Ate e Nakiyanja essaza lya Kiyinda Mityana, nabalala 4 begasse wamu okukuza olunnaku luno.

Abalamazi abasoba mu bukadde 4 bebasubirwa okwetaba mu kulamaga kwomwaka guno, e Namugongo.

Ate mungeri yeemu enguudo ezenjawulo ezolekera e Namugongo zigaddwa amakya gano, nga poliisi yebidduka bweyalambika, atenga nekifo kikwatiridde abantu.

Abasasi baffe bali mu bifo ebyenjawulo, okutubuliira embeera nga bwetambula na byonna ebiri e Namugondo.