Amawulire

Okukungubagira Njuba, abadde mumanyi

Ali Mivule

December 14th, 2013

No comments

Njuba

Amalaboozi agakungubagira abadde sentebe wa FDC mu ggwanga gakyajja

Sam Njuba yafudde olunaku lwajjo mu ddwaliro lye Nsambya gyeyaddusibwa ng’alumwa olubuto.

Njuba abadde munnamateeka omugundiivu kyokka ng’era munnabyabufuzi kayingo.

Omu ku gwebalwana naye mu lutalo l’wamenunula e Luweero, Alhajji Abdul Nadduli agamba nti Njuba yakola nnyo kuleeta emirembe mu ggwanga

Nadduli agambye nti Njuba yakola nyo okuleeta eby’okulwanyisa okuva mu ggwanga lya Libya mu mwaka gwa 1981.

Nadduli agambye nti wadde nga Njuba yasala eddiro neyegatta ku FDC tasaana kwerabirwa.

Yyo gavumenti agamba nti eddibu lya Njuba terijja kuba lyangu kuzzaawo.

Minista akola ku by’amawulire, Rose Mary Namayanja agamba nti Njuba abadde musajja mumanyi

Njuba ono nno abadde munnamateeka mugundiivu era nga yakulemberako n’ekibiina ekigatta bannamateeka mu mwaka gwa 1978

Kati amyuka akulira ekibiina kino mu kadde kano, Ernest Kalibbala agamba nti Njuba alwnairidde nnyo eddembe ly’abantu era nga eggwnaga lyakumusubwa

Bbo ab’ekibiina kya kya DP bagamba nti Njuba ku mateeka, eggwnaga lyakumusubwa

Ssabawandiisi w’ekibiina kino Mathias Nsubuga amwogeddeko ng’omusajja omwagaazi w’emirembe.

Enteekateeka z’okuziika omugenzi tujja kuba nga tuzikutegeeza akadde konna

Omwoyo gw’omugenzi omukama agulamuzise kisa

Leave a Reply

Your email address will not be published. Required fields are marked *