Amawulire

Okubala kuyingidde olw’okubiri- Sekandi bamubaze

Okubala abantu kukyagenda maaso nga w’owulirira bino nga n’omumyuka w’omukulembeze w’eggwanga  Edward Kiwanuka Sekandi amaze okubalibwa mu maka ge mu  zooni ya Kitunzi B e  Lungujja

Ekibinja ky’ababazi 8 bakedde mu maka ga Ssekandi era zigenze okuwera ssaawa 2 ez’okumakya nga batuuse.

Amanda Angella Namukasa yoomu  ku bakulembeddemu okubala kuno nga era agamba buli kimu kitambudde bulungi.

E Kayunga abantu beekengedde ebibuuzo ebibabuuzibwa nga bangi balowooza byandibaviirako okubinikibwa omusolo

Ate e  Lyantonde, abakulembeze b’ebyalo abamu batiisizza okuzira okubala abantu lwabutasasulwa.

Ate mu disitulikiti ye  Mukono, abatuuze  mu bitundu bye Seeta, Ngandu ne Wanthony bemulugunya nti mpaawo babazi bebaalabye nga bawulira buwulizi nti okubala kwatandise.

Wabula mu disitulikiti ye Buikwe abaayo kati bebayigga ababala okubabala.