Amawulire
Nambooze addukiridde omusomesa ku Waguma Junior
Bya Ivan Ssenabulya
Omubaka wa munisipaali ye Mukono Betty Nambooze addukiridde omusomesa Shadia Nakafeero, eyali assomesa ku ssomero lya Waguma Junior School e Bamugolodde mu Nakasongola eyalumbibwa embuyagga wiiki ewedde nesanyawo ennimiro ye yonna.
Nambooze amuwadde ebikozesebwa okubadde n’emmere saako ensimbi enkalu akakadde 1 zimuyambeko okwetereeza.
Ono asabye gavumenti okufaayo eri abasomesa kubanga bali mu mbeera mbi.
Omusomesa Shadia Nakafeero mu maziga amangi alaze okusiima eri omubaka Nambooze.
Omutandiisi w’essomero lino Waguma Kisule agambye nti abasomesa baabwe berya nkutazaamimwa nga bakyetaaga obuyambi.